Јасна Николовска Овчаровска

Jazz FM Daily Show

Утрински драјв со Јасна

Во емисијата „Утрински драјв“, секој работен ден од 7 до 11 часот, заедно слушаме внимателно одбрана музика за добро расположение – џез класици и нови изданија од современи композитори и изведувачи на џез, боса-нова, соул, R&B, блуз, фанк, фјужн и world music. Покрај музиката, емисијата претставува и нови изданија, теми од областа на културата и уметноста, животниот стил, менталното и физичкото здравје, екологијата, како и најави за културни настани и […]

Токму тоа е животот кога е убав и исполнет со среќа — игра! Се разбира, човек може да направи од него и сè друго: да го претвори во должност, во бојно поле или во затвор — но со тоа не го прави поубав. — Херман Хесе, Патувањето на Исток

Уметноста нуди широк простор за остварување на оваа мисла, во сите свои гранки и отсекогаш ми била најблизок начин на изразување, преку цртањето и сликањето, музиката, пишаниот или изговорениот збор. Во овие области се образував и формално и неформално и го следам тој пат на игра преку уметнички израз. Од тоа произлегува и желбата да бидам дел и поддршка за сечиј труд и дело што носи поттик и инспирација. Токму таков простор кај нас е Џез Фм – радио со квалитетен, инспиративен звук, со ведар и воедно сериозен концепт што секојдневно се развива и има капацитет да ги зближи убавите, благородни нешта, коишто било да сме свесни за тоа или не, значат напредок.

Се радувам што сум дел од тимот на Џез Фм од септември 2024, како водител и автор на емисии.

Е-маил адреса: jasna@jazzfm.mk

Водител - Дневна програма