Здраво, јас сум Виктор Танасковски, автор и водител на емисијата „Дневна сесија“ на радио Џез Фм која се емитува секој работен ден од 15:30 часот на фреквенција од 100,8 мегахерци. Низ рубриките „На денешен датум“, „Џез абецеда“ и „Новитет од светската сцена“, во „Дневна сесија“ со Виктор ќе преслушуваме класици, но и нови музички изданија од светската и домашната џез музика. Ќе ве информираме за случувања поврзани со снимањето, издавањето, живите настапи и слично. Во „Дневна сесија” ќе дознаете за актуелните културни настани и концерти кои може да ги посетите, а преку гостувања на џез-музичари и други професионалци од музичката сцена ќе презентираме интересни аспекти на џез творештвото.
Со квалитетна музика и разговор, Виктор и „Дневна сесија“ ќе бидат ваш редовен дневен водич низ актуелностите во џез музиката.
